ကျတော့် အမြွာသမီးလေး ၂ ယောက် ပစ္စည်းတစ်ခုကို လုကြတဲ့အခိုက်အတန့်မှာ သူတို့အမေနဲ့ ကျွန်တော် ဝင်ဆုံးမရာမှ အခုဒီစာကိုရေးဖို့ ဖြစ်လာတာပါ

0
265

အဆိုတော် လင်းလင်းရဲ့ ဒသန မှန်သင့်သလောက် မှန်လို့ပြန်ရှဲပါတယ်။
Sharing & Fighting
ကျွန်တော့်မှာ အမြွှာသမီးလေးနှစ်ယောက်ရှိပါတယ်။ အဲဒီအတွက် ဝတ်စရာဘဲဖြစ်ဖြစ်, ကစားစရာဘဲဖြစ်ဖြစ်, စားစရာဘဲဖြစ်ဖြစ် ဘာပစ္စည်းဝယ်ဝယ် နှစ်ခုဝယ်ရပါတယ်။ တစ်ယောက်တစ်ခုဆိုတဲ့ သဘောပေါ့။ အစကတော့ တစ်ခုစီ ဆော့လိုက်၊ လုလိုက်နဲ့ ပုံမှန်ပါဘဲ။ တစ်ရက်မှာတော့ ပစ္စည်းတစ်ခုကို လုကြတဲ့အခိုက်အတန့်မှာ သူတို့အမေ နဲ့ ကျွန်တော် ဝင်ဆုံးမရာမှ အခုဒီစာကိုရေးဖို့ ဖြစ်တည်လာတာပါဘဲ။

ကျွန်တော်တို့နှစ်ယောက် ဝင်ဆုံးမရင်းကနေ စကားရည်လုတဲ့အဆင့်ဖြစ်သွားကြပါတယ်။ ခေါင်းစဉ်ကဘာလဲဆိုတော့ “ sharing နဲ့ fighting “ ။ သူတို့အမေက မျှဝေခြင်းဆိုတဲ့ sharing ဘက်က။ ကျွန်တော်ကကျတော့ တိုက်ခိုက်,တွန်းလှန်,ရုန်းကန် ဆိုတဲ့ fight ဘက်က။ သူလဲမှန်တယ်, ကျွန်တော်လဲ မှန်တယ်။ အမှန်တရားက အရပ်မျက်နှာ မျိုးစုံမှာရှိတာကိုး။ ဒါပေမယ့် ကျွန်တော်တို့နှစ်ယောက်ဟာ လူပီသစွာဘဲ ကိုယ့်ရဲ့အမှန်တရားဟာ ပိုမှန်ကြောင်း ငြင်းခုံကြပါတော့တယ်။ ဖြစ်စဉ်ကဒီလိုပါ တစ်ယောက်ဘဲစီးလို့ရတဲ့ ရထားအရုပ်လေးတစ်ခုပေါ်မှာ သမီးတစ်ယောက်ကဆော့နေတယ်။ နောက်တစ်ယောက်က အဲဒီအပေါ်မှာဘဲစီးချင်လို့ ရှိနေတဲ့ တစ်ယောက်ကိုတွန်းချတယ်။ အရင်စီးနေတဲ့တစ်ယောက် အောက်ကိုကျသွားတယ်။ နောက်တစ်ယောက်ကတက်ခွစီးပါတယ်။
ဇာတ်လမ်းစပါပြီ သူတို့အမေက ကျသွားတဲ့သမီးကိုထူပြီး တွန်းလိုက်တဲ့သမီးကို ဆုံးမဖို့ ထလာပါတယ်။ အဲဒီအချိန်မှာ ကျွန်တော်ကတားလိုက်တယ်။ သူတို့အမေရပ်သွားတယ်။ ကျသွားတဲ့သမီးက ကျွန်တော့်ကို အဓိပ္ပါယ်တစ်ခုပါတဲ့အကြည့်နဲ့ကြည့်တယ်။ သူ့ကိုလာထူမယ့်အမေကို ကျွန်တော်ကတားလိုက်တာကိုး။ တွန်းလိုက်တဲ့သမီးကတော့ မျက်နှာစပ်ဖြီးဖြီးနဲ့ပေါ့။ အဲဒီမှာကျွန်တော်က ကျသွားတဲ့သမီးကို လက်သီးကိုဆုပ်ပြ မျက်လုံးချင်းစေ့စေ့ကြည့်ပြီး တစ်ခွန်းချင်း ပြောလိုက်တယ်။ ” သမီးရထားကိုပြန်စီးချင်ရင် ပြန်တွန်းချလိုက်လေ ” လို့။ အစကတော့ ကျသွားတဲ့သမီးက နားမလည်ဘူး။

ကျွန်တော်က နှစ်ခါသုံးခါလောက် မာန်နဲ့ပြောလိုက်တဲ့အချိန်မှာ ရုတ်တစ်ရက်ပြန်ထပြီး သူ့ကိုတွန်းတဲ့သမီးကို ပြန်တွန်းချလိုက်တယ်။ ပြီးတော့ကျွန်တော့်ကိုလှည့်ကြည့်တယ်။ ကျွန်တော်တစ်သက်လုံး မေ့မရနိုင်မယ့် အကြည့်ပေါ့။ အဲဒီမှာ သူတို့အမေနဲ့ ကျွန်တော် ပြဿနာစပါပြီ။ ကလေးတွေကိုဒီလိုသင်မပေးနဲ့ မျှဝေတက်အောင်လေ့ကျင့်ပျိုးထောင်ပေးရမယ်တဲ့။ ကျွန်တော်ကလဲ ပြန်ပြောတယ်။ နေရာတကာမျှဝေလို့မဖြစ်ဘူး။ ရည်မှန်းချက် ပန်းတိုင်တစ်ခုဟာ fight မလုပ်ဘဲ မရောက်နိုင်ဘူး ဆိုပြီးပေါ့။ သူတို့အမေကလဲပြော ကျွန်တော်ကလဲပြော စကားရည်လု ငြင်းခုံတွေဖြစ်ကြတာပေါ့။

ကဲ ,,ထားလိုက်ပါတော့ အဲဒီမှာကျွန်တော့်အတွက် ဒီစာကိုရေးဖို့ ဖြစ်လာပါတယ်။ ရေးတဲ့အခါမှာလဲ စာဖတ်ကောင်းအောင် ပရိတ်သတ်ချစ်အောင်မရေးဘဲ လူသားတစ်ယောက်အနေနဲ့ လူပီသစွာရေးပါမယ်။ မတိုက်ဆိုင်တာတွေပါရင်လဲ ကိုယ့်သဘောနဲ့ကိုယ်ဘဲ စောရီးလို့တောင် မပြောနိုင်တဲ့အတွက် စောရီးပါ။ကဲ ,,,ဒီကိစ္စဖြစ်စဉ်မှာ ကျွန်တော်သေသေချာချာ တွေးတောပြီးစဉ်းစားကြည့်တဲ့အခါ အကြောင်းအရာနှစ်ခုကို ဆင်ခြင်မိပါတယ်။ အဲဒါက ‘ Books smart ‘ နဲ့ ‘Streets smart ‘ ပါဘဲ။ အကြမ်းဖျင်းအားဖြင့် sharing သမားတွေက books smart တွေများတာပေါ့။ fight သမားတွေက streets smart တွေပေါ့ဗျာ။ ( books smart ကိုစာပေသမားများဟု မထင်မှတ်ရန်နှင့် streets smartကို လမ်းသရဲများဟု မထင်မှတ်ရန် )

ကျွန်တော်ကလမ်းပေါ်ကြီးခဲ့တယ်။ ကိုယ့်ရဲ့ပန်းတိုင်ကို အကောင်အထည်ဖော်ဖို့ fight ခေါင်းစဉ်အောက်မှာ ကျေကျေနပ်နပ် ခိုလှုံတယ်။ ကိုယ့်ရဲ့အိပ်မက်အတွက် နည်းမျိုးစုံနဲ့ fight တယ်။ အဲဒီအချိန်တွေမှာ sharing တွေဘဲလုပ်ခဲ့ရင် ကျွန်တော့်ရဲ့ အိပ်မက်ကို ကျွန်တော်ရှာတွေ့မှာ မဟုတ်ဘူးလို့ လုံးဝယုံကြည်ပါတယ်။ သမိုင်းလမ်းဆုံမှတ်တိုင်ဟာ ကျွန်တော့်အတွက် တစ်ချို့ညတွေမှာ ဖိုက်စတားဟိုတယ်ဖြစ်ခဲ့ဘူးတယ်။အဆောင်ပြန်ဖို့တစ်အားနောက်ကျရင် သွားအိပ်ဖြစ်တယ်။ အမိုးအောက်ပုရွက်ဆိပ် မရှိတဲ့နေရာရှာအိပ်ရတယ်။ မိုးကလဲတစ်ဖွဲဖွဲကျနေတာကိုး။ ကျွန်တော့်နောက်မှာ အသက်အရမ်းမကြီးတဲ့ သူတောင်းစားတစ်ယောက် အိပ်ဖို့ ရောက်လာတယ်။ အားနွဲ့တဲ့လူကိုနေရာဖယ်ပေးမလား ဆိုတဲ့ အကြည့်နဲ့ကြည့်တယ်။ ကျွန်တော့်နေရာကို ဖယ်မပေးနိုင်ပါဘူး။ ကျွန်တော် sharing မလုပ်နိုင်ဘူး။ ကျွန်တော်အိပ်ရေးဝဖို့ လိုတယ်။ နောက်နေ့ဆူးလေမှာ ဈေးရောင်းဖို့အားမွေးရမယ်။ ဖျားလို့မဖြစ်ဘူးလေ။
လှည်းတန်းမှာအခြေစိုက်တဲ့ ကုမ္ပဏီတစ်ခုမှာ marketing လုပ်တုန်းကပေါ့။ တစ်အိမ်တက်တစ်အိမ်ဆင်း record လိုက်လုပ်ရတယ်။ ( အဲဒီတုန်းက သူငယ်ချင်းတွေတောင် ခုထိရှိသေးတယ် )၊ တစ်ရက် ကျွန်တော်ကျောက်မြောင်းဘက်ကို သွားဖို့ရွေးခံရတယ်။ အဲဒီမှာ လှိုင်သာယာဘက်သွားရမယ့် ဘော်ဒါတစ်ယောက် နေမကောင်းလို့ သွားရမယ့် နေရာလဲဖို့ ကျွန်တော့်ကို အကူအညီတောင်းတယ်။ကျွန်တော် sharing မလုပ်ပေးနိ်ုင်ပါဘူး။ ဘာဖြစ်လို့လဲဆိုတော့ ကျောက်မြောင်းမှာ ကိုမောင်မောင်ဇော်လတ်တို့ ရှိတယ်လေ။ သူတို့နဲ့တွေ့နိုင်မယ့်အခွင့်အရေးတစ်ခုကို လက်လွှတ်ပြီး sharing လုပ်ပေးရအောင် ကျွန်တော်ကအရူးမှမဟုတ်တာ။ မလုပ်ပေးနိုင်ပါဘူး။ကျွန်တော့်အိပ်မက်တွေလေဗျာ။ အဲဒီ sharing မလုပ်ပေးမိလိုက်လို့ ရရှိလာတဲ့ ဖြစ်ရပ်မှန်အကျိုးကျေးဇူးတစ်ခုကိုပြောပြမယ် နားထောင်ကြည့်။ တစ်ကယ်ဘဲ ကိုမောင်မောင်ဇော်လတ် နဲ့ တွေ့ဆုံဖြစ်တယ်။ လက်ဖက်ရည်ဆိုင်တောင်ထိုင်လိုက်ရတယ်။ မင်းဘာတွေလုပ်နေလဲဆိုတော့ ကိုယ်လုပ်နေတဲ့အလုပ်တွေတန်းစီပြီး ပြောပြဖြစ်တယ်။ သူ့ဆီကအားပေးသံတွေကြားရတယ်။ တစ်ကယ်လဲအားဖြစ်စေတယ်။ အဲဒီထက်ပိုပြီးရင်ခုန်စရာကောင်းတာတစ်ခု ထပ်ပြောပြမယ်။


ကိုမောင်မောင်ဇော်လတ်က သူ့အိမ်ကို ခေါ်သွားပြီး အခုမှရေးပြီးတဲ့ ကိုယ်ပိုင်သံစဉ် သီချင်းတစ်ပုဒ်ကို တီးဆိုပြတယ်။ ဘာသီချင်းလဲသိလား?။ ‘ခဏလေးများ’ ထဲက ကိုလေးဆိုထားတဲ့ “ဝမ်းနည်းမှတ်တမ်း” တဲ့။ မှတ်မိသေးတယ် နေ့လည်တောင် မစောင်းသေးဘူး။ကဲပါ ဆိုလိုရင်းဆက်သွားရအောင်,,,,,နှစ်ခုထဲက တစ်ခုကိုမျှဝေပေးနိုင်တယ်။ ရှိတဲ့တစ်ခုကိုတော့ မပေးနိုင်ဘူး။ ကျွန်တော်က ဘုရားမှမဟုတ်တာ။ ခဲတံတွေ အများကြီးပါလာရင်တော့ တစ်ချောင်းငှားပေးနိုင်တာပေါ့။ ကိုယ့်မှာ ခဲတံတစ်ချောင်းဘဲပါလာရင်တော့ မေ့ကျန်ခဲ့တဲ့ကောင်ကို ငှားမပေးနိုင်ပါဘူး။ တစ်ယောက်တစ်လှဲ့လဲ မလုပ်ပေးနိုင်ဘူး။ စာကိုအာရုံစိုက်ရဦးမယ်လေ။ sharing မှာ မျိုးစုံရှိတယ်။ နေရာတစ်ကာတော့ လုပ်လို့မရဘူး။ကိုယ့်အိပ်မက်ကို အကောင်အထည်ဖော်ဖို့ သဘာဝတရားကြီးထဲမှာ သက်သေပြချက်တွေလုပ်ဖို့အများကြီးလိုတယ်။ ” ကိုယ်ဖြစ်တည်နေတာနဲ့ ကိုယ့်ရဲ့ ကြိုးစားမှုဟာ မမျှတရင်သတိထားရပါတယ်။ ဖြစ်တည်မှုနိမ့်ပြီး ကြိုးစားမှု များနေတာဆိုရင် တစ်နေရာရာမှာ error တက်နေပြီ။ ပြန်ဆင်ခြင်သင့်ပါတယ်။ ဖြစ်တည်မှုမြင့်နေပြီး ကြိုးစားမှုနည်းနေရင်တော့ (ယခုခေတ် ဂီတလောကမှာ အများဆုံးတွေ့ရတဲ့အရာပေါ့) သေချာတယ် တစ်ချို့အခန်းတွေကို password ခိုးနှိပ်ပြီးကျော်ဆော့နေတာ။ စိတ်ချ အဲဒီလိုမျိုးလူဟာ sharing လုပ်လုပ် fight လုပ်လုပ် ဘယ်တော့မှ နောက်ဆုံးခန်းမရောက်ဘူး။ သံသရာချင်းထပ်ပြီး ကျွန်တော် လောင်းရဲပါတယ်။
အဲတော့,,, လောကကြီးထဲကနေ လွင့်ထွက်မသွားအောင် သက်သေပြချက်တွေခိုင်မာဖို့ လိုအပ်တဲ့ လူသားကမ္ဘာကြီးထဲမှာ ကျွန်တော့်ရဲ့အိပ်မက်တွေအတွက် fight လုပ်ရပါတယ်။ လုပ်တဲ့အခါမှာလဲ smart ဖြစ်တဲ့ fight ဖြစ်ဖို့လိုပါတယ်။ အောက်တန်းကျတဲ့ fight မဖြစ်အောင် သတိထားရပါတယ်။ အကယ်၍များ အောက်တန်းကျတဲ့ fight လုပ်တော့မယ်ဆိုရင်တော့ ကျွန်တော်အကြံတစ်ခုပေးချင်တယ်။ အောက်တန်းကျတဲ့ sharing ကိုပိုလုပ်စေချင်ပါတယ်။ (ဘယ်လိုမျိုးလဲဆိုတော့ ကိုယ့်အကျိုးကို အဓိကမျှော်ကိုးပြီး အများအကျိုးကို သာမညမျှော်ကိုးတဲ့ sharing မျိုးကိုဆိုလိုပါတယ် ) ။ ဘာဖြစ်လို့လဲဆိုတော့ ရာခိုင်နှုန်းအများစုအနေနဲ့ sharing ဟာ ကုသိုလ်နဲ့ နီးလို့ပါ။ fight ကတော့ အ,ကုသိုလ်နဲ့ နည်းနည်းနီးပါတယ်။
ကဲကျွန်တော့်စာကို အဆုံးသတ်ရအောင်,,,,’ အဲဒါဆိုရင်ခင်များက fight လုပ်ဖို့ကလေးတွေကို ဘာ့ကြောင့်သင်ပေးရတာလဲ ‘ လို့မေးမလို့မဟုတ်လား ။ ကျွန်တော်ဖြေမယ် “ကျော်ကြားမှု,မန်နေဂျာ,သူဋ္ဌေး,အတွင်းရေးမှူး,စပယ်ရာ,CEO,ရဲမှူး,ဒရိုင်ဘာ,ဗိုလ်ကြီး,ဖီဖာဥက္ကဋ္ဌ,လေယဉ်မယ်,နည်းပြ,ကွန်ပြူတာဆရာ,အသင်းခေါင်းဆောင်,ဂိတ်စောင့်,အကြော်ဆရာ,စွန့်ဦးတီထွင်သူ,gamer,သရုပ်ဆောင်,စူပါဗိုက်စာ,အဆိုတော်,အားကစားသမား,တစ်ခုခုပညာရှင်,တစ်ခုခုပိုင်ရှင်,မော်တော်ပီကယ်,တစ်ခုခုအနုပညာရှင်,မီးသတ်သမား,ဝန်ကြီး,နာရီပြင်ဆရာ,အတွင်းဝန် စသဖြင့်စသဖြင့်စသဖြင့် ပေါ့လေ လူ့လောကရဲ့ များစွာသောအိပ်မက်တွေထဲက ကိုယ်နဲ့ဆိုင်တဲ့ အိပ်မက်တစ်ခုအတွက် အောင်မြင်မှုကိုရယူဖို့ sharing တွေလုပ်နေရုံနဲ့ ရည်မှန်းချက်တွေ အောင်မြင်လာမယ်,ပြည့်ဝသွားမယ်ထင်လို့လား။
စောရီးပါဘဲ ,,,, အဲဒါဆို ခင်များခွက်ဆွဲဖို့သာ ပြင်ထားပေတော့။ကိုယ့်ရဲ့ အိပ်မက်အတွက် fight မယ်။ fight ပြီးကိုယ့်ရဲ့ အိပ်မက်ကို အကောင်အထည်ဖော်မယ်။ ပြီးရင်တော့ လူ့ဘောင် လူ့လောကကြီးကိုအကျိုးပြုဖို့ sharing လုပ်မယ်။ ဘယ်လို fight လုပ်ကြမယ်, ဘယ်လို sharing လုပ်ကြမယ် ဆိုတာကတော့ ကိုယ့်ရဲ့ ဦးနှောက် ဖွံ့ဖြိုးမှု ပေါ်မှာဘဲ မူတည်ပါတယ်။Smart ဖြစ်တဲ့ fight တွေနဲ့ အောင်မြင်မှုတွေ ရယူပြီး ဖြူစင်သော sharing တွေလုပ်ကြပါစို့ ။စာကြွင်းစာကျန် – ရေးသားမှုထဲတွင် Books smart နဲ့ပတ်သတ်ပြီး မပါဝင်ပါ,ကိုယ်သဘောနဲ့ကိုယ် လူစုပြောဆို,ငြင်းခုံ, ဆွေးနွေး, ကြပါရန်
Credit-Lynn Lynn